النياسين (ب3)

النياسين (ب3)

“من أعظم الفيتامينات اللي جسمك محتاجها واللي بيعمل شغل خرافي في جسمك من الجلد للمخ للقلب والشرايين”

ـ هو فيتامين ب3 واسمه العلمي (النياسين)

ـ فيه ناس بتسميه نيكوتين اميد أو نيكوتينك أسيد أو حتى نياسينامايد فكلها أسماء لفيتامين واحد لكن باختلاف الصورة والشكل الكيميائي.

ـ ما أهمية فيتامين ب3 مهم؟

ـ لأنه من الفيتامينات التي تذوب في الماء يعني الجسم ما بيخزنهوش ولو زاد شوية بينزل مع البول.

ـ أهميته الكبرى في الجلد و البشرة و حماية القلب و تنظيف الشرايين.

 “نقصه ممكن يعمل مرض خطير اسمه (بلاجرا)”

ـ أعراض نقص فيتامين ب3 :-

• الجلد بيحمر جدًا
• ما يستحملش الشمس
• يحصل حكة والتهابات
• تشققات و جفاف شديد.

“وشك يبقى مشدود أو مجعد أو شكله تعبان لأن الجلد ببساطة بيعاني.”

ـ وعلى الناحية التانية فالدماغ والعقل بيتأثروا:

• توتر شديد
• اضطرابات نفسية
• أعراض ذُهانية مثل الشيزوفرينيا

ـ ليه ناس كتير بتفقد فيتامين ب3؟

• الإكثار من الأرز الأبيض أو القمح المعالج
• شرب الكحوليات
• سوء امتصاص في المعدة أو مشاكل في الكبد
• حالات سوء التغذية أو النظام الغذائي الفقير

ـ وظائف ب3 في الجسم:-

1) يرفع الكوليسترول النافع

2) يخفض الكوليسترول الضار والدهون الثلاثية

3) بيشتغل زي الستاتين الطبيعي وبدون الآثار الجانبية بتاعة أدوية الستاتين!

4) بيدخل في تكوين إنزيم اسمه

  (Hormone-Sensitive Lipase)

 ـ وده اللي بيكسر الدهون ويمنع تراكم الدهون الثلاثية

5) يقلل من إنتاج الكوليسترول الضار جدًا

“يعني ببساطة ب3 بينضف جسمك من جوه من الدهون ومن السموم ويحمي قلبك و شرايينك من الجلطات والسكتات الدماغية”

ـ ما علاقته بالقلب ؟

ـ لما بتاخد النياسين و الأوعية الدموية تتوسع…

• فالدم يوصل أكتر لكل حتة في الجسم
• القلب يوصل له دم زيادة
• المخ ياخد أكسچين أكتر
• الأطراف اللي كان فيها برودة أو ضعف توصيل تتحسن
• حتى طنين الأذن يقل
• كل ده بيحصل بسبب حاجة اسمها “النياسين فلاش” إحساس السخونة والاحمرار اللي بيجي بعد ما تاخد النياسين.

ـ بعض الناس بتتضايق منه لكن الحقيقة إن ده شيء مفيد جدًا لأنه معناه إن الدم بيتوزع بشكل ممتاز.

ـ ولو الموضوع مضايقك خد النياسين قبل النوم أو خد قبله قرص أسبرين علشان يقلل الفلاش.

ـ أنواع النياسين:-

(1) نياسين الأصلي

• يعمل فلاش
• ممتاز للكوليسترول والقلب

(2) نيكوتين اميد

• مفيش فلاش
• ممتاز للجلد وللبشرة

( Inositol Hexa Nicotinate  Non-Flush Niacin)

ـ ده ثالث نوع ويستخدم أحيانًا للبشرة والضغط  لكنه لا ينفع في تحسين الكوليسترول

ـ لو بتاخده للقلب والكوليسترول فلازم النياسين اللي بيعمل فلاش.

ـ لو عايزه للبشرة ممكن نيكوتين اميد.

الجرعة:-💊

ـ للبشرة أو لعلاج البلاجرا:

من 250 لـ 500 مجم يوميًا

ـ للقلب والكوليسترول:

من 1.5 لـ 2.5 جرام يوميًا لكن لازم تبدأ بالتدريج!

ـ تبدأ بـ جرعة صغيرة وتزودها على مراحل لحد ما توصل لأقصى جرعة.

ـ ب3 والتيلومير:-

ـ التيلومير هو الغطاء اللي على طرف الحمض النووي فكل لما يقصر فالإنسان يعجز.

ـ فيتامين ب3 بيحافظ على التيلومير ويطوّله.

ـ يعني يحميك من الشيخوخة المبكرة ومن السرطانات ومن الطفرات الجينية.

ـ ب3 و الشيزوفرينيا:-

العالم “ابرام هوفر” قال:

” اللي اتعلمناه في الطب لا يعالج شيزوفرينيا لكن 90٪ من الحالات اللي خدت نياسين اتحسّنت”

ـ وده معناه إننا بنتكلم عن فيتامين مش عادي وهو فيتامين ب3 مش مجرد مكمل فده علاج وعلاج قوي.

ـ فيتامين ب3 و جلدك:

ـ لوعندك:

• حب شباب
• التهاب في الجلد
• احمرار
• بشرتك ناشفة أو فيها تشققات
• إيدك ورجلك نشفين

ـ ففيتامين ب3 هو الحبيب الأول لبشرتك.

ـ وطبعًا معاه:

• فيتامين سي
• فيتامين الف
• الزنك
• لكن ب3 هو الأساس.

ـ فيتامين ب3 :

• ينقذك من أمراض القلب
• يعالج الجلد والبشرة
• يحسن وظائف المخ
• يمنع التهابات وجلطات وسكتات
• يحميك من الشيخوخة
• وممكن يعالج أمراض نفسية مثل الشيزوفرينيا

ـ  خده بجرعة سليمة وبالنوع المناسب لحالتك وراقب جسمك لأن النتيجة مش هتتأخر.

ـ مصادر طبيعية للنياسين:-

ـ علشان الناس تعرف تاخده من الأكل كمان مش بس مكملات:

• الكبدة
• التونة والسلمون
• الدواجن (الفرخة والديك الرومي)
• البقوليات
• المكسرات
• الحبوب الكاملة (لكن مش المكررة)

ـ الأدوية اللي ممكن تقلل امتصاص النياسين أو تستهلكه:

• أدوية السل
• بعض المضادات الحيوية
• موانع الحمل الهرمونية
• أدوية الضغط

ـ النياسين ممكن يرفع إنزيمات الكبد في بعض الناس فلازم الناس اللي عندها مشاكل في الكبد تستشير طبيبها.

• ممنوع تمامًا مع القرحة المعدية النشطة
• الناس اللي عندهم نقرس لازم يخدوا بالهم.

ـ علاقته بفيتامينات ب التانية:-

ـ ممكن نقول إن فيتامين ب3 بيشتغل أحسن لما بيتاخد مع مجموعة ب كومبلكس

ـ لأن كل مجموعة ب بتحب تشتغل مع بعضها وده بيخلي الامتصاص والأثر أقوى.

ـ فرق النياسين والنيكوتين (بتاع السجاير) علشان ناس كتير بتتلخبط

ـ رغم تشابه الاسم النيكوتين بتاع السجاير شيء سام وضار ومالوش علاقة بالنياسين المفيد

” وعلشان كده لو انت بتدور على شباب لبشرتك وصحة لقلبك ونشاط لعقلك ومتعة في يومك ماتنساش فيتامين ب3 اللي بيشتغل بصمت وبيصلح جسمك من غير ما تحس وممكن يكون نقصه هو السبب في حاجات كتير مش لاقي لها تفسير.”