ـ مين فينا مش عاوز يحافظ على كليته؟

ـ الكُلى بتشتغل ليل نهار بتغسل دمك 32 مرة في اليوم!

ـ ما هي وظائف الكلية؟

• بتسحب كل السموم من الدم وترميها برا الجسم.
• بتعمل ديتوكس طبيعي لحاجات كتير جدًا.
• ليها دور كبير في منع الأنيميا.
• بتساعد في ضبط ضغط الدم.
• ما بتخليش المواد المهمة تنزل في البول.
• وفي المقابل بتطرد المواد السامة مع البول وتخرجها برا جسمك.

👀بس الأهم من كل ده…

ـ إزاي أعرف إن الكُلى تعبانة؟!

ـ مش لازم أستنى التحاليل و في علامات لو بدأت تظهر فلازم آخد بالي كويس.

ـ علامات مهمة ممكن تقولك إن كليتك بتتعب… خد بالك!

(1) تغيير طعم الفم

ـ لو حسيت إن طعم فمك اتغير فجأة يعني بقى فيه طعم غريب معدني أو مش مألوف فده ممكن يكون أحد أول إشارات تعب الكلية.

(2) فقدان الشهية

ـ فقدان الشهية بدون سبب واضح

ـ حاسس إن نفسك مسدودة ومش عارف ليه؟

ـ ده ممكن يكون ناتج عن بداية تعب في الكلى والجسم بيترجم السموم اللي بتتراكم في الدم برفض الأكل.

(3) القيء أو الترجيع المستمر

ـ لوعندك غثيان أو بترجع كتير ومعدتك تمام ومفيش سبب واضح فده ممكن يكون علامة طبية بنشوفها كتير إن الكلى بدأت تتعب.

(4) الزغطة

ـ بنسميها أحيانا الشهاق أو الفواق أو الحازوقة.

ـ السبب؟

ـ وجود سموم في الدم فالسموم دي بتأثرعلى عضلة الحجاب الحاجز فتبدأ تضيق و تتشنج وتعمل كده.

“ودي من أول العلامات المبكرة جدًا اللي ممكن تدل على مشكلة في الكُلى.”

(5) احتباس السوائل (نفخة الجسم)

ـ لو لقيت الماية بتتحبس في جسمك ووشك أو رجلك أو إيدك أو تحت عينك بينفخوا فده معناه إن الكلى مش قادرة تصرف الماية اللي المفروض تتخلص منها.

(6) كره اللحوم فجأة ؟

ـ في ناس بتقولك:

“أنا طول عمري باكل لحمة وبحبها وفجأة نفسي قفلت منها!”

ـ فدي مش مجرد صدفة و ممكن تكون إشارة إن جسمك مش قادر يهضم البروتين .

ـ والسبب؟

ـ الكلية!

ـ فـما تحمّلوش على كليتكم لو ظهرت العلامة دي.

(7) رائحة النفس فيها أمونيا أوهرش شديد

ـ لو لقيت نفسك بتعاني من حكة وهرش أو ريحة نفسك بقت شبه ريحة الأمونيا (زي الكلور أو البول) فده إنذار كبير!

ـ معناه إن الجسم مش قادر يطرد الأمونيا برا عن طريق الكلى فبيبدأ يخرجها من الرئة على هيئة نفس ريحته غير طبيعية.

ـ ودي علامة مهمة إن الكلى فيها مشكلة ومش بتؤدي وظيفتها.

(8) التهابات أو مشاكل في المسالك البولية

ـ لو عندك:

• حصوات مزمنة في الكلى أو الحالب
• أو التهابات متكررة في مجرى البول
• أو عدوى بترجع تاني وتالت بدون سبب واضح
• فده بيأثر بشكل مباشر على الكلى ويدمرها على المدى الطويل.

“ما تستهونش بأي التهاب في المسالك البولية فده طريق سهل لتعب الكلى.”

ـ مين أكتر ناس معرضين إن كليتهم تتعب؟

ـ اعرف العدو… وخلي بالك!

(1) السكريات (عدو الكلية الأول)

ـ أي حاجة بترفع الإنسولين أو بتعمل مقاومة إنسولين بتكسر في أنسجة الكُلى فورًا سواء (سكريات، معجنات، مشروبات غازية، أو حتى الإفراط في النشويات…)

ـ كل ده بيسحب الكلية لسكة التعب والإجهاد.

” خف السكر… تحمي كليتك!”

(2) المسكنات

ـ كل أنواع المسكنات… من الباراسيتامول للأسبرين للإيبوبروفين وغيرها خنجر مباشر في الكلية!

ـ مع كل قرص مسكن بتاخده بدون داعي بتضغط على الكُلى وبتقلل تدفق الدم ليها.

ـ الأثر التراكمي!

ـ يعني حتى لو الجرعة صغيرة فالكلية بتتأذى واحدة واحدة.

(3) قلة شرب المياه (الجفاف)

ـ الهيدريشن مش رفاهية… ده حياة!

ـ الناس اللي ما بتشربش ماية كفاية بتدمر كليتها بإيديها.

ـ طول ما لون بولك مايل للابيض أنت تمام.

ـ لو ابتدى يرجع للون الأصفر الغامق فده إنذار: (جسمك جاف، وكليتك بتعاني!)

“المياه = حياة للكلى والبشرة والمناعة وكمان أقوى مضاد للشيخوخة!”

” اليوريا والكرياتينين… أرقام مش بس في التحاليل!”

ـ دي إنذارات ممكن تنقذ كليتك بدري!

ـ أولًا: اليوريا

ـ لما جسمك يهضم البروتين بيطلع مواد نيتروجينية سامة و من أهمها “اليوريا”.

ـ دي مادة لازم الجسم يتخلص منها فورًا والكُلى هي المسؤولة عن ده.

✅ المعدل الطبيعي لليوريا ما يزيدش عن 40

ـ لكن في حالات معينة ممكن تعلى مثل :-

• لو ماشي على دايت عالي البروتين

 (high protein diet)

• أو بتعمل تمرينات عنيفة جدًا
• أو جسمك في حالة تكسير عضلي مستمر

 (Catabolism)

ـ فلو لقيت اليوريا عالية فمش دايمًا معناها إن الكُلى بايظة لكن لازم تراجع السبب بسرعة.

ـ ثانيًا: الكرياتينين

ـ ده ناتج من عملية تجديد العضلات فمادة بتطلع يوميًا في جسمك.

ـ والمفروض الكلى تشيلها بره الجسم لأنها مادة سامة.

✅ المعدل الطبيعي للكرياتينين:

“من 0.6 إلى 1.2 أو بالكثير 1.3”

ـ لو بدأ يعلى عن كده فده مؤشر قوي إني الكلى مش بتصرف السموم كويس.

ـ لو لقيت اليوريا أو الكرياتينين خارجين عن المعدل الطبيعي متتأخرش فروح لدكتور و ابدأ الفحوصات

ـ علشان مشاكل الكلى لما نلحقها بدري بتتصلّح!

ـ لو عايز تطمن على كليتك بجد فاليوريا والكرياتينين لوحدهم مش كفاية!

ـ ناس كتير تفتكر إن تحليل اليوريا والكرياتينين كفاية عشان تطمّن على الكلى…

ـ بس الحقيقة؟

ـ ده مجرد البداية!

ـ لو عايز تدخل أعمق في تقييم صحة كليتك ففيه تحاليل أهم وأدق.

(3) المايكرو ألبومين في البول

 (Microalbuminuria)

ـ ده تحليل مهم جدًا و خصوصًا لمرضى السكر والضغط.

ـ لو في نسبة ألبومين (نوع من البروتين) بتخرج مع البول…

ـ فده معناه إن في تسريب من الكلى وده إنذار مبكر إنها بدأت تتأذى.

(4) معدل ترشيح الكلى

 (Glomerular Filtration Rate)

ـ ده بقى الأهم من أي تحليل تاني!

ـ هو اللي بيقولك: كليتك بترشّح الدم بكفاءة قد إيه؟

ـ وده بيتحسب بنسبة مئوية:

✅ الطبيعي:-

ـ أكتر من 90% يعني الكلية شغالة بكفاءة وبتنظّف الدم كويس جدًا.

ـ لو بدأ يقل عن 90% فده معناه إن الكلية بدأت تتعب.

ـ لو نزل تحت 15% فده اسمه فشل كلوي تام!

ـ والنتيجة؟

ـ الكلية مش قادرة تطلّع بوتاسيوم ولا صوديوم ولا فوسفور فالسموم بتتراكم واليوريا والكرياتينين بيعلوا والجسم يدخل في تسمم حاد.

ـ لوعاوز تطمن على كليتك بجد فاطلب من الدكتور:

( GFR ،Microalbuminuria)

ـ مع الكرياتينين واليوريا علشان الصورة تكون كاملة.

ـ إيه اللي الكلية بتحبه؟

ـ عاوز تحافظ على كليتك؟ فكُل زي ما الكلية بتحب!

ـ الأكل مش بس بيغذي الجسم… ده ممكن يعالج!

ـ وفي حالة الكُلى فية أطعمة معينة بتحسن وظائفها بشكل رائع وتحافظ عليها:

 🥦البقدونس

ـ مشروب البقدونس من أقوى مدرات البول الطبيعية و يساعد على طرد السموم من الجسم وتنظيف الكلى.

 🌳الصمغ العربي

ـ ناس كتير لاحظت تحسن كبير في وظائف الكلى لما استخدموه بانتظام و خصوصًا مرضى الكلى المزمنة.

 🍃نبات القتاد أو “الاستراجالوس”

 (Astragalus)

ـ ده من الأعشاب الطبية المشهورة في الطب الصيني وبيُعتبر من أقوى الأعشاب لتحسين وظائف الكلى ودعم مناعتها.

 🍒 عصير الكرز

(Cranberry Juice)

ـ مهم جدًا للكلية وخصوصًا للوقاية من التهابات المسالك البولية.

 🌟الكركم

(Curcumin)

ـ مضاد قوي جدًا للالتهاب وبيساعد في تنظيف الكلى من البكتيريا و الشوائب و كمان بيساعد في تقليل التليف والضرر المزمن.

🍵 الزنجبيل

ـ مش بس بيحسّن الهضم فده كمان مضاد أكسدة ممتاز وبيحسّن الدورة الدموية في الكلى وبيخليك نشيط طول اليوم.

 🧄الثوم

ـ من أقوى الأطعمة للكلية لأنه بيوسّع الأوعية الدموية فبالتالي الدم بيزيد داخل الكلية وده يخليها “تغسل” الدم بكفاءة أعلى وتغذي نفسها بشكل أفضل.

“الكُلى والكبد هما مصانع التنقية في جسمك … لا حياة بدونهم ولا حياة بدون الحفاظ عليهم.”

 🛌قلة النوم المستمرة والضغط العصبي المزمن…مش بس بيتعبوك نفسيًا فدول كمان بيزودوا الالتهابات وبيضرّوا الكلى من غير ما تحس!