الامساك هو حالة يصاب بها الجهاز الهضمي عندما تكون الحركة الإمعائية بطيئة أو غير منتظمة والإمساك عرض وليس مرض ” مؤشر اني فيه حاجه غلط في الجسم”
حالات تسبب الامساك
ـ عدم مضغ الاكل كويس بداية بهدلة الجهاز الهضمي
ـ لو الشخص عنده مشكله في الغده الدرقيه يعالج الغده الدرقيه والإمساك بيقل وفيه بعض الحالات بيختفي تماما
ـ المعده “بيت الداء” لو حمض المعدة مش قوي فالاكل مش هيتهضم فينزل مش مهضوم وياخد وقت اكتر في الأمعاء وفي الاخر يوصل للامساك فلو الشخص عنده مشاكل في المعده أو بياخد اي أدوية حموضة أو حاجه تقلل حمض المعدة فالهضم مش هيبقي كويس والمعده مش هتهضم البروتين ويوصل بالشخص لمرحلة الامساك
ـ المرارة لو حمض المعدة مش قوي مش هيدي الإشارة للمرارة والمرارة هي اللي بتسهل هضم الدهون وتخلي الأمعاء لينه فده السبب اللي بيخلي اللي عنده مشاكل في المرارة يجيله امساك
ـ القولون العصبي برضوا بيعمل امساك
حلول لمشكلة الامساك
(1) المضغ كويس علشان نظبط المعده وحمض المعدة وده من خلال معلقة صغيرة من خل التفاح مع كوباية مايه كبيرة
(2) لو الشخص عنده مشاكل في الغدة الدرقيه يحلها
(3) لو الشخص عنده مشاكل في المرارة ياخذ املاح المرارة أو ياخذ انزيمات هاضمة تساعد معاه في الهضم
(4) الالياف ملهاش علاقه باني الامساك يروح بل في ناس بتاخذ الالياف والإمساك يزيد وفي ناس بتاخذها والإمساك بيخف
وهناك ألياف كويسه مثل
( الخس، البقدونس، الافوكادو وده ألياف ودهون مع بعض ،شيا سيدز )
اشياء بتزود من الامساك
( العيش ، السكر ، اللبن ومنتجات الألبان )
الأمعاء بتبقي مبتمشيش كويس وده لسببين
ـ بوتاسيوم ناقص وده لان البوتاسيوم هو اللي بيعمل الحركه الدوديه في الأمعاء حتي لما البوتاسيوم بيقل بسبب حاجه اسمها براليتك اليس وتعني شلل الأمعاء
ـ ماغنسيوم ناقص و ٪70 من الناس بيبقي عندهم الماغنسيوم ناقص
اشياء تساعد في علاج الامساك
ـ زيت الزيتون وزيت الخروع
ـ الكركديه الدافئ والليمون الدافئ والنعناع والزنجبيل
ـ القراصيه ” نجيب ثلاثة قراصيه ونسيبهم فى كوب ماء دافئ وبعد ربع ساعة نشيل البذور وندوبهم وبعدين نحط معلقة زيت خروع وناخد معلقتين الصبح ومعلقتين بالليل لمدة ثلاثة أيام
وفيه ملينات برضوا من الصيدلية نقدر ناخدها ف الحالات الشديدة يفضل ناخدها بحرص تحت اشراف طبيب وبتتاخد ف الاحالات الصعبة المؤقتة
