فيه 3 انواع من جلد الوزة و هاديكي أفضل طرق العلاج علي طول لان كل نوع ليه علاج مختلف عن التاني فهعرضلك شكل كل نوع وطرق علاجه
عشان كدا مبدأتش المقال بتعريف جلد الوزة لان كل نوع ليه تعريف والاسباب اللي بتؤدي ليه
اول نوع من انواع جلد الوزة دا بيكون ناتج عن التهاب البصيلات ف الحالة دي ممنوع منعا باتا استخدام المقشرات لانها هتسبب ف تهيج الجلد والبصيلات اكتر وبالتالي استمرار الالتهاب بالعكس ممكن يزداد سوءا مع مرور الوقت
طب أسباابها:
اولا لو بيظهرلك باستمرار نتيجة ازالة الشعر او بعد ازالة الشعر ف الحالة دي لازم تعملي ازاله شعر بالليزر, ولكن دا بيكون أكثر سبب شائع اغلب الناس اللي عندها النوع دا من جلد الوزة بيكون بيحصلها وبيتكون عندها النوع دا بسبب الشعر
طب ايه تاني اكتر سبب شائع وهو تعرض الجسم نتيجة التهاب شديد داخلي وخارجي
داخلي نتيجة : حالة مناعية ف الامراض المناعية المعروفة والمشهورة والمشخصة ان عندها مرض مناعي
او نتيجة للاكل : ذي الاستمرار ف العادات الغذائية غير صحية وخاصة اكل السكر لان السكر بيسبب حالة مستمرة من الالتهابات الداخلية واللي بتظهر احيانا علي سطح الجلد وتسبب هذا النوع من جلد الوزة وبرضوا بتسبب تساقط الشعر
تالت حاحة اوقات النوع دا من جلد الوزة بيكون مؤقت او مستمر نتيجة الاحتكاك الشديد يعني ممكن يظهر مثلا بعد متعملي حمام مغربي او تستخدمي مقشرات فيها حبيبات خشنة علي الجلد
طيب طرق علاجها سهلة وبسيطة جدا ومن اسهل انواع جلد الوزة ف علاجها
واحد التحكم ف المرض المناعي عن طرق انك تلتزمي بالعلاج الموصي بيه دا عشان صحتك اولا ودا بالتالي هيحسن الاعراض
اتنين ممتوع الاحتكاك او استخدام المقشرات ف الحالة دي محتاجة ان جلدك يتخن ويصبح اكثر سمكا عشان يكون حاجز البشرة قوي (حاجز بشرة قوي وسميك معناه بشرة صحية غير ملتهبة )
تالت حاجة استخدام واقي الشمس للجسم لو كنتي بتتعرضي للشمس باستمرار لان برضوا اشعة الشمس بتزيد من الألتهاب وكمان بتسبب ف تدمير حاجز البشرة وبتخلي البشرة دايما ف وضع التهاب مستمر
اهم حاجة العلاج الموضعي باستخدام المهدئات والمرطبات التي تحتوي علي يوريا وبانثينول وزبدة شيا وسيراميد من امثلة الكريمات
من افضل المكملات الغذائية الي هتساعدك علي التخلص من هذا النوع من جلد الوزة الالتهابي وهو فيتامين بي كومبلكس اقراص بيتاخد مرة بعد الفطار
او استعمال حقن فيتامين ب مثل البيكوزيم مرة اسبوعيا هتساعدك علي تقوية حاجز البشرة وتقليل جلد الوزة الالتهابي وتساقط الشعر الالتهابي وتقليل التهاب حب الشباب وتقوية حاجز البشرة
استخدام الكريمات دي بيكون يوميا سواء بعد الشاور بعد متنشفي جسمك تستعملية او حتي لو مأخدتيش شاور تقدري تستعملية علي جلد نظيف
تاني نوع من انواع جلد الوزة وهو الاكثر انتشار وهو الناتج عن زيادة وتراكم الكيراتين وبتظهر علي شكل نتوءات صغيرة وخشنة علي الجلدوغالبا مصحوبة بالجفاف ومن التعريف ملخص العلاج استخدام المقشرات وكمان المرطبات
ملحوظة استخدام الليزر ف الحالة دي اوقات بيعالج الحالة واوقات لأ لان المسبب الرئيسي هو زيادة تراكم الجلد مش الشعر نفسه ف احنا بنعالج حالة زيادة تراكم الجلد وبنركز عليها عن طريق ترطيب الجلد وتقشيره للتخلص من الجلد الزايد
من اسهل الانواع اللي نقدر نعالجها لانها تعتمد علي استخادم المقشرات سواء التي تحتوي علي الاحماض او عمل جلسات تقشير بارد ف العيادات وتحتاج ايضا الي بعض الترطيب ومن اهمل الفيتامينات التي تساعد علي التخلص علي هذا النوع من جلد الوزة هو فيتامين أ وكمان الاوميجا ثري
طريقة استخدامها بعد الشاور علي جسم نظيف من مرتين ل اربع مرات اسبوعيا علي حسب شدة الحالة ويفضل عمل حمام مغربي مرة شهريا هتاخدي نتيجة خرافية وجلد ناعم
ملحوظة اغلب الناس الللي بتاخد علاج لحب الشباب بيحتوي علي فيتامين ا او بيتحتوي علي مادة الأيزوتريتينوين بالفم وهما بيعالجوا حب الشباب بيلاحظوا نتايج ملحوظة ف علاج جلد الوزة من هذا النوع
ع الرغم ان فيتامين ا والايزوتيريتينوين هيحسن جلد الوزة الناتج عن زيادة طبقات الجلد إلا ان لو عند جلد وزة التهابي ذي اللي موجودف بداية المقال هيزيد من إزدياد الحالة سوء عشان ذي مقولتلكم ف نقطة الجلد الزيادة كويس اننا نقشره ونشيله انما ف حاجله الالتهابات احنا محتاجين نزود من سمك الجلد وزيادة حاجز البشرة
اخر نوع من انواع جلد الوزة وهو الناتج عن زيادة افزارات الزيوت ف البصيلة مع انسدادها وبالتالي هتتراكم علي السطح وعند تعرضها لاشعة الشمس او الضوء بيحصلها اكسدة
ف ف الحالة دي هينفع معاها الترطيب والتقشير وضروووووووري استخدام واقي الشمس او مواد مضاة للأكسدة عشان نمنع تأكسد الزيوت ف البصيلة عشان متتحولش للون الأسود المزعج دا
علاجها نفس علاج جلد الوزة ف النوع الناتج عن زيادة الكيراتين
طب هل الليزربيؤدي الي تحسن الحالة دي
لأ ملهوش علاقة لان الشعر مش هو السبب الرئيسي ….. لإن السبب الرئيسي هنا تراكم الزيوت وانسداد البصيلات
