قرحة المعدة

“عارف لما تسمع شخص يقولك أنا بقالي 10 سنين باخد دوا الحموضة ولو نسيت يوم واحد الحرقان بيرجع؟

ـ دي مش حاجة تفرح ده معناه إن المشكلة لسه موجودة وإن القرحة ما خفتش فعلًا.

ايه اللي حصل؟

ـ  إنك سكّنت… لمّيت الأعراض… لكن السبب لسه شغال في جسمك.

ـ ‘أنا مش مع وقف الحمض تمامًا بمضادات الحموضةلإن ده مش حل ده تأجيل للمشكلة.’

الحل بقى؟

ـ مش في دواء ولا مسكن بل فالحل إنك تريح معدتك وتبطل تعذبها كل يوم.

(1) ابعد عن الأكل اللي بيخلي المعدة تبوظ!

يعني:

■ سكريات

■ ألبان

■ بقوليات تقيلة

■ أكلات تقيلة على الهضم

(2) وساعد معدتك تهضم أسرع ازاي؟

ـ ببساطة كل أكلك حطه في الخلاط.

■ سلطة؟ في الخلاط

■  فواكه؟ في الخلاط

■  حتى الخضار؟ في الخلاط

ـ كل حاجة تتضرب وتتفرم… فعلشان المعدة ترتاح والهضم يبقى سهل.

ـ ومن الفواكه اللي بتساعد:

■ التوت

■ الفراولة

■ البابايا

ـ بس خليك بعيد شوية عن:

■ الليمون

■ الجريب فروت

■ البرتقال

■ الخل

ـ الحاجات الحمضية دي بتزود الوجع… مش بتعالجه.

ـ في حاجة بقى سحرية للمعدة هي الصبار

سواء الجل أو العصير بيهدي المعدة و بيلطف القرحة وبيقلل التوتر كمان.

(3) ومتنساش تشرب مية كتيرقبل الأكل بنص ساعة أو بعده بنص ساعة بس بلاش أثناء الأكل علشان متخففش الحمض اللي بيهضم.

ـ وعلشان تعالج السبب من جذوره لازم:

1)  توقف الأدوية اللي بتزود المشكلة فلو بتاخد مسكنات زي البروفين أو الأسبرين شوف أصل الالتهاب وعالجه.

2)  ظبط فيتاميناتك:

■ فيتامين دال لازم يبقى مظبوط

■ أوميجا 3 مهمة

■  فيتامين سي(1 جرام يوميًا) علشان يحافظ على بطانة المعدة

3) البروبيوتك و خده على الريق من 10 لـ 20 يوم

4)  المعادن  خدها من مصادر طبيعية:

(شلاجيت، أكل متكامل، نباتات)

5)  قلل التوتر  لأن لما ترتاح نفسيًا فالدم يوصل للمعدة أكتر وساعتها هتتجدد أسرع.

ـ باختصار لو عايز تتخلص من قرحة المعدة فعلًا

• ريحها، ساعدها، وكل على قد طاقتها
• ومتحطش الحمل كله على دوا بيغطي وجع مش بيعالجه.

“أعراض قرحة المعدة وارتباطها بالتوتر”:

ـ بس عايزاك تاخد بالك من نقطة مهمة جدًا…

ـ الجسم لما بيتعرض لضغط عصبي بيدخل في حالة اسمها

“fight or flight”

(يعني يا بيحمي نفسه… يا بيجري!)

ـ فـالجهاز العصبي المركزي بيختار:

ـ يا إما يوجّه طاقته للحماية يا إما للبناء أو للهضم أو للتكاثر

لكن ما ينفعش الكل يشتغل مع بعض.

ـ يعني لو استرسك عالي؟

■ الهضم هيتوقف

■ البناء مش هيشتغل

■ والنوم هيبقى تعبان

ـ علشان كده مهم جدًا إننا نشتغل على تفعيل الجهاز العصبي الباراسمبثاوي وده مسؤول عن:

■ الراحة

■ الهدوء

■ الهضم

■ الترميم والتجديد

ـ فلو عايز تعالج القرحة؟

 لازم تبدأ بهدوء…

■ تنام كويس

■ تتنفس كويس

■ وتبطل تشيل فوق طاقتك

ـ طيب نرجع للأعراض…

ـ قرحة المعدة ليها علامات بتبان على الجسم ومن أهمها:

■  نزول دم مع البراز

ـ بس خليك فاهم الفرق:

• لو الدم أسود غامق شبه القهوة أو بني غامق : ده غالبًا جاي من المعدة
• لو الدم أحمر فاتح : ده ممكن يكون بواسير أو شرخ شرجي أو التهابات في القولون

■  ألم لما المعدة تبقى فاضية

• لأن الحمض بيقعد يلسع في الجزء المكشوف اللي فيه قرحة

خصوصًا بالليل لما تكون معدتك فاضية خالص

■ وجع بيزيد بعد أكلات تقيلة أو حمضية

ـ لأنها بتخلي الحمض يزيد… والمعدة تتقلم أكتر

■   إحساس بالأكل “واقف” ومفيش هضم

ـ تحس إنك واكل ومش قادر تهضم… كأن الأكل اتحجز

■ ميل دايم للترجيع أو غثيان

لو دايمًا عندك إحساس إنك عايز ترجع… خليك واعي دي علامة

ـ اعراض قرحة المعدة :-

ـ تفتكر قرحة المعدة بتيجي من الأكل بس؟

ـ لا: الحقيقة إن اللي بيبوظ المعدة ويجيب قرحة ممكن يكون جواك  أو حتى جاي من دوا بتاخده وانت فاكر إنه بينفعك!

ـ أسباب كتيربتعلي: الكورتيزول وده هرمون التوتر ولما الكورتيزول يعلى فالمناعة تقع  والمعدة تضعف.

ـ واحدة من أشهرالأسباب؟

• جرثومة المعدة (الاتش بايلوري)

والمفاجأة؟

ـ نص البشر عندهم الجرثومة دي وممكن تكون عندك وانت مش واخد بالك!

ـ وكمان فيه حاجات إحنا بنبلعها بإيدينا وهي اللي بتدمر طبقة الحماية اللي جوه المعدة:

زي إيه؟

ـ  المسكنات

■ اللي بتوقف إنزيم اسمه

 )COX-1)

 والإنزيم ده هواللي بيساعد الجسم يفرز “الطبقة المخاطية” اللي بتحمي المعدة والبيكربونات اللي بتعدل الحمض.

فلما توقفه؟

■  بتهد الحماية وتسيب المعدة مكشوفة لأي هجوم.

ـ المضادات الحيوية!

ـ ايوة الدوا اللي بنجري عليه وقت أي تعب فالمضاد الحيوي الواحد ممكن يبوظ الميكروبيوم بتاع جسمك لمدة سنتين!

ـ يعني البكتيريا النافعة اللي عايشة جوه أمعاءك  اللي مسؤولة عن الهضم و المناعة و تصنيع فيتامينات مثل ب وك وتنظيم المزاج بتروح ومترجعش بسهولة.

ـ وللأسف معظمنا مش بياخد بروبيوتيك بعدها وده كأنك قتلت جيش الدفاع وسايب جسمك من غير حراسة!

ـ طب إيه تاني بيبوظ  الميكروبيوم؟

■  المحليات الصناعية زي “السكرالوز “وكل حاجة مش طبيعية

■  القهوة على معدة فاضية

■  الثوم على معدة فاضية

■  الكحول من غير أكل

■   التدخين

■  الجنك فودز ودي زيوت مهدرجة وأكلات مصنّعة ومواد معدلة وراثيًا فكل ده بيبهدل جدار المعدة ويخليها معرضة لأي قرحة.

“عالج قرحة المعدة من غير ما تطفي الحمض”

ـ كتير من الناس أول ما يجيله حرقان فيجري ياخد دوا يقلل الحموضة

ـ بس هل دي فعلاً الخطوة الصح؟

ـ علشان تعالج قرحة المعدة صح لازم تفهم جسمك الأول.

ـ حمض المعدة مش حاجة وحشة…بالعكس!

ـ حمض المعدة ده أساسي علشان تهضم وعلشان تكسر الأكل لجزيئات بسيطة جسمك يقدر يستفيد بيها.

ـ واللي يمكن ميعرفوش ناس كتير:

 ـ الهضم بيبدأ من المخ!

ـ الجهاز العصبي المركزي هو اللي بيبعت الإشارة و يقول للمعدة: “استعدي! في أكل جاي.”

ـ يعني حتى قبل ما الأكل ينزل… جسمك بيجهز نفسه!

ـ نيجي للسؤال الأهم:

حمض المعدة قوي جدًا… طيب ليه ما بيأذيش المعدة نفسها؟

ـ الإجابة في كلمة واحدة:

Mucus (الميوكس)

ـ الطبقة المخاطية اللي بتغلف جدار المعدة من جوه ودي درع واقي بتحمي اللحم الحقيقي بتاع المعدة من الحمض

ـ يعني فيه فرق بين سطح المعدة اللي بيوصل له الحمض

وبين النسيج اللي جوا المعدة فعليًا والحمض أساسًا ما بيتكونش جوه الخلية وهو بيتجمع من عناصر (الهيدروجين والكلوريد) وبيتقابلوا بعد ما يعدّوا الطبقة دي يعني خارج الخلية والتفاعل ده بيحصل في المكان المخصص لي بعد ما الأكل يوصل.

ـ يبقى المشكلة مش في الحمض المشكلة لما الطبقة المخاطية تتأذى أو الدم اللي بيغذي المعدة يقل ساعتها فبيبدأ يحصل تقرّح لأن الدفاع الطبيعي اختفى.

ـ لكن جسمك كمان ذكي

لو حصل ضرر على طول يبدأ التجديد

يبعت خلايا جديدة يجدّد الطبقة دي بس لازم تساعد بالأكل الصح والنوم والراحة، والمغذيات