التهابات الجسم

الالتهاب هو استجابة دفاعية طبيعية من جهاز المناعة عند تعرض الجسم لخلل مثل إصابة أو عدوى أو غزو ميكروبي أو دخول مادة غريبة أو مواد كيميائية أو حساسية أو حتى بسبب أمراض ذاتية يحدث ذلك عندما يتدفق الدم إلى المنطقة المصابة وترتفع حرارة الجلد ويظهر احمرار وتورم وتزداد نفاذية الأوعية الدموية مما يسمح لخلايا الدم البيضاء بالبقاء في المكان والتخلص من المهاجمين وإصلاح الأنسجة  .

ـ إيه اللي بيحصل في جسمك وقت الالتهاب؟

ـ  أول ما يحصل ضرر أو عدوى في حتة معينة في الجسم:

• الجسم يبعث إشارات هناك فيعمل منطقة عزل حوالين المكان والمنطقة دي:
• تحمر
• تسخن
• تورم
• توجع

ـ ليه؟

ـ علشان الدم يوصل أكتر للمكان والدم جاي معاه:

• مضادات حيوية طبيعية وبلازما
• خلايا مناعية (زي الكرات البيضاء)
• بروتينات كبيرة تصلح المكان.

ـ  السائل الليمفاوي

ـ فيه خلايا مناعية تقيلة مش بتعرف تمشي جوه الدم فتلاقيها رايحة في السائل الليمفاوي حوالين المكان علشان تنظف أي:

(خلايا ميتة ، بكتيريا ،سموم)

ـ وده سبب إن المنطقة تورم وتوجع لأن الجسم عاملها شريط أصفر منطقة عمليات.

ـ  الجسم بيرفع درجة الحرارة سواء موضعية أو حرارة الجسم كله علشان:

• يمنع نمو البكتيريا
• يسرّع وصول الخلايا المناعية

ـ  السايتوكينات

ـ مواد بيبعتها الجسم للمكان ده.

ـ بتشتغل زي مدير الموقع وتقول:

• فيه التهاب في المكان ده
• محتاج خلايا مناعية من النوع كذا
• ودرجة حرارة تترفع
• والكورتيزول (هرمون الطوارئ) يطلع علشان يساعد بعد كده:
• الجسم يبتدي ينظف المكان.
• يشيل الخلايا الميتة.
• يصلح الأنسجة.
• ويرجع الوضع طبيعي.

ـ أسباب الالتهابات:-

1) السكر

ـ كل ما قلّ السكر فالتهابات الجسم تقل

2) الزيوت النباتية (المهدرجة والمكررة) مثل :

(زيت الذرة وعباد الشمس)

3) الحبوب مثل :

• القمح والشعير والدقيق الأبيض
• الجلوتين بيسبب التهابات مزمنة

4) اللبن البقري

ـ من أكبر مسببات الالتهابات

5) النوم القليل والضغط العصبي

ـ بيخلّي الجسم  يزودالتهابات

6) مونو صوديوم جلوتاميت

• موجود في الشيبسي والمعلبات
• سم قاتل وبيشعل التهابات الجسم

ـ إزاي تعرف عندك التهابات؟

ـ تعمل تحليل اسمه:

• C-Reactive Protein (CRP)

ـ أو الأفضل

• High Sensitivity C-Reactive Protein (hs-CRP)

ـ فلو التحليل ده عالي جسمك فيه التهابات مزمنة

ـ لو قليل فانت في أمان

ـ إزاي كمان تعرف هتجيلك جلطات ولا لأ؟

تحليل:

• Calcium Score (Calcium Index)

ـ بيشوف ترسب الكالسيوم في الشرايين

ـ لو عالي :احتمال جلطات

ـ لو قليل : شرايينك كويسة

ـ  خطوات التخلص من الالتهابات:-

(1) الامتناع عن :-

• السكر
• الزيوت المهدرجة
• الجلوتين
• اللبن البقري
• الأكلات المصنعة

2) النوم الكافي (7-8 ساعات)

3) رياضة يومية (30 دقيقة مشي أو أي حركة)

4) تقليل التوتر (تمارين تنفس ـ  ريلاكس ـ  قراءة قرآن ـ  تأمل)

5)  شرب مياه نقية (من غير كلور)

6) أوميجا 3 تحارب الالتهابات

7) فيتامين دال من الشمس أو مكمل

أولًا: الدهون &التهابات

ـ طول ما الدهون عالية في الجسم فالالتهابات شغالة

ـ الدهون نفسها بتفرز مواد بتزود الالتهابات (اسمها سيتوكينات)

ـ أي مريض وزنه زائد أو عنده كرش ده عنده التهابات مزمنة

ـ أعراض الالتهابات بسبب الدهون:-

• حبوب في الظهر والوش بتتكرر
• عدوى بكتيرية متكررة (التهابات مسالك، لوز، قولون…)
• ألم عظام وعضلات مستمر
• إرهاق مزمن
• انتفاخات وغازات
• مشاكل في الهضم والقولون العصبي

ـ ارتشاح الأمعاء وقود الالتهابات

ليه؟

• الجدار اللي بيفصل بين الأمعاء والدم لو اتأذى يدخل بروتينات وفضلات للدم
• جهاز المناعة يعتبرها عدو يبدأ يولع التهابات
• طول ما عندك ارتشاح أمعاء جهاز المناعة بيشتغل 24 ساعة

ـ علاج ارتشاح الأمعاء وتقليل الالتهابات:-

1)  جلوتامين: حمض أميني بيبني جدار الأمعاء

2) شربة الكرنب: فيها مواد مضادة للالتهاب وبترمم الأمعاء

3)  الألوفيرا: مهدئ وملطف للأمعاء

4) شوربة العضم : غنية بالكولاجين والجلوتامين

5) تخفيف الدهون في الجسم : مع كل كيلو بتخسه فالالتهابات بتقل

ـ  الملح الصيني : مادة موجودة في:

• المعلبات
• الشيبسي
• النودلز السريع
• اللحوم المصنعة

ـ بيرفع الإنسولين 200% بعد أول وجبة فيها

ـ يزود الالتهابات بنسبة 10-20% بعد الأكلة

ـ بيضعف المناعة ويدمر الأعصاب وبيسرّع أعراض الالتهابات

ـ الاسترس (الإجهاد العصبي):-

• كل ما استرسك يزيد مناعتك تقع
• الالتهابات تشتغل ومفيش جهاز مناعي يقف قدامها

ـ الاسترس بيدمر:

• الغدة الكظرية
• الغدة الدرقية
• توازن الهرمونات

ـ الجلوتين

• بروتين موجود في القمح والشعير والذرة
• بيوقف هضم البروتين والدهون
• يزود ارتشاح الأمعاء ويدخل فضلات للدم يولع التهابات

ـ فبطل جلوتين 30 يوم وشوف:

• مناعتك
• بشرتك
• الهضم
• الالتهابات
• الفرق هيبهرك

ـ الحبوب القديمة

” بديل نظيف وآمن عن القمح الحالي “

ـ أمثلة :-

{kamut ـ Einkorn ـ Millet ـ Buck wheat}

ـ فيها نسبة جلوتين ضعيفة أو مفيهاش وأصعب في الزراعة لأنها:

• ليها غلاف صلب ضد المبيدات
• مناعة طبيعية ضد الحشرات
• محصولها قليل لذلك سعرها أعلى

ـ النوم:-

ـ لو مش بتنام كويس جسمك مش هيعرف يحارب الالتهابات

ـ أثناء النوم:

• المناعة بتتجدد
• الخلايا القديمة بتتمسح وتتجدد
• الكورتيزول (هرمون التوتر) بيقل

ـ لو النوم مش كفاية الالتهابات تزيد والكورتيزول يعلى

ـ السكر:-

ـ لما تاكل سكر  بيمسك في البروتين والدهون

ـ يحصل تفاعل اسمه جلايكشن

ـ الجسم يتعامل معاه كأنه مادة سامة فيحصل حالة طوارئ

ـ الالتهابات تعلى بعد ساعتين من أكلة سكر  المناعة تقل 50%

كمان:

• يرفع الإنسولين
• يسبب مقاومة إنسولين
• ويدخلك دايرة: سكر / ضغط / كولسترول / أمراض مناعية

ـ الحل:

ـ امنع السكر وكل بروتين ودهون طبيعية من غير سكر  فالالتهابات تقف

ـ الزيوت النباتية:-

( زيوت الذرة وعباد الشمس و الكانولا)

ـ فيها أوميجا 6 بنسبة عالية وأوميجا 6 لو زادت عن أوميجا تزود الالتهابات

الحل:

استخدم: ـ (زيت زيتون  ،زيت جوز الهند ،زيت أفوكادو)

ـ وقلل الزيوت الرخيصة

ـ مضادات الالتهابات الدوائية (المسكنات)

بعض ـ أدوية الالتهابات بتزود احتمالية جلطات القلب 3 أضعاف ودة مثبت بأبحاث بريطانيا علشان كده العلماء بقوا يدوروا :يعالجوا الالتهابات طبيعي:

ـ الحل؟

• بالنوم الكافي
• تقليل سكر
• الامتناع عن الزيوت المهدرجة
• الرياضة
• فيتامين سي ودي
• أوميجا 3