“كل الناس بتتكلم عن الكولاجين كريمات وحقن ومكملات بس يا ترى إيه هو الكولاجين فعلًا؟ وليه جسمك محتاجه؟ وليه لازم تبنيه من جوه قبل ما تدور عليه من بره؟”

ـ ما هو الكولاجين؟

ـ الكولاجين هو أكتر بروتين موجود في جسمك.

ـ مسؤول عن:-

• نضارة البشرة
• صحة المفاصل
• قوة الشعر
• صحة الأظافر
• مرونة الشرايين
• سلامة العظام

ـ منين نجيب كولاجين طبيعي؟

(1) شربة عظام البقر

• من أغنى وأفضل مصادر الكولاجين الطبيعي
• فيها بروتينات مهمة جدًا:

(برولين ، هيدروكسي برولين ، جلايسين)

ـ واللي جسمك بيحتاجهم علشان يكوّن كولاجين

ـ لكن للأسف:

ـ مش كل الناس تقدر تشرب شربة العضم لأنها بتكون تقيلة والنباتيين اصلا مش هيعرفوا يقربوا منها

ـ النباتيين يعملوا إيه؟

• لازم ياخدوا كولاجين من مصادر نباتية
• أو مكملات كولاجين جاهزة

لكن بشرط:

ـ تكون كولاجين بيبتايد يعني متكسّر ومهضوم جاهز علشان الجسم يمتصه بسهولة لأن الكولاجين الطبيعي صعب في الهضم

ـ ترتيب امتصاص الكولاجين في الجسم:-

• الأفضل دايمًا: السائل
• بعده: البودر
• وأضعفهم: الكبسولات

ـ ماذا يحتاج جسمك علشان ينتج كولاجين كويس؟

ـ بروتينات مثل:

• برولين
• هيدروكسي برولين
• جلايسين

ـ فيتامين سي (أساسي جدًا لتنشيط إنزيمات تكوين الكولاجين)

ـ زنك

ـ نحاس

ـ ومكمل الجلوتامين (مهم جدًا لعلاج ارتشاح الأمعاء وامتصاص البروتينات)

ـ ناس كتير فاكرة إن مكمل البروتين بتاع الجيم أهم

لكن اللي بيساعد على ترميم المفاصل والأوتار وحماية العظام والشرايين وحتى تقوية العضلات مع البروتين هو الكولاجين

ـ أنواع الكولاجين في الجسم:-

ـ أجسامنا فيها حوالي ٢٨ نوع من الكولاجين لكن أهم وأشهر وأقوى 4 أنواع هم:

 (1) النوع الأول وهو :

( Full Connected Tissue Collagen)

ـ موجود في كل الأنسجة الضامة في الجسم

ـ بيشكل:

• الجلد
• الأوتار
• العظام
• الأوعية الدموية
• الأسنان
• الأربطة

ـ  ده أهم نوع وأكتر نوع موجود في الجسم فلو عندك نقص فيه تبدأ تضعف أنسجتك كلها

(2) النوع الثاني :

( Collagen Type II)

ـ موجود في المفاصل والغضاريف

ـ مسؤول عن:-

• حماية المفاصل من الاحتكاك
• سلامة الغضاريف في الركب
• غضاريف العمود الفقري

ـ لو الكولاجين ده كويس عندك ما تخافش من خشونة الركب

ولا الإنزلاق الغضروفي

(3) النوع الثالث :

(Collagen Type III)

حبيب الملايين لأنه:

• موجود في الجلد
• وفي الأوعية الدموية
• وفي عضلة القلب

ـ هو اللي بيحافظ على:

• نعومة الجلد
• شباب البشرة
• مرونة الشرايين

ـ فما يحصلش تصلب ولا انسداد

 (4) النوع الرابع :

( Collagen Type IV)

ـ موجود في:-

• الأذن الداخلية
• عدسة العين
• الكُلى

ـ علشان كده لو فيه مشاكل مزمنة في الأذن الداخلية أو عدسة العين أو أمراض كلى مزمنة غالبًا بيكون ليها علاقة بنقص أو تلف الكولاجين

ـ كل نوع من الأنواع دي ليه وظيفة محددة ومحتاج تغذية سليمة وأسلوب حياة صحي علشان يفضل محافظ على شغله.

ـ وأكترعدو للكولاجين:-

• السكر
• التدخين
• الزيوت المهدرجة
• قلة النوم
• قلة شرب المياه

ـ مصادر الكولاجين في الجسم:-

ـ الكولاجين هو بروتين ضخم بيحتاج مصادر معينة علشان نقدر نحصل عليه وده سواء من أكل طبيعي أو من مكملات.

(1) منين نجيب كولاجين طبيعي؟

(1) شربة عظام البقر

 ـ أقوى وأغنى مصدر طبيعي للكولاجين على وجه الكوكب لأنها أثناء الطبخ بتتحول لمادة جيلاتينية وكل ما يكون فيها جيلاتين أكتر بيبقى فيها كولاجين أكتر

(2) جلد الحيوانات

ـ خصوصًا جلد الدجاج أو الكوارع أو الفشة والكرشة (للي يقدر)

 اعضاء حيوانية(3)

ـ الكبد واللسان والطحال لأن فيها جلايسين وبرولين أساسين لصناعة الكولاجين

(4) الأسماك والصدفيات

ـ مصدر ممتاز للكولاجين البحري

ـ ده بيتميز إنه سريع الامتصاص وخفيف على المعدة وده اللي بيسموه الكولاجين المائي

(2) المكملات الغذائية:-

ـ المكملات بتتعمل من:

• الأسماك
• الصدفيات
• القشريات البحرية

ـ وده لأنهم أغنى مصادر للكولاجين البحري السريع الامتصاص.

ـ المكملات دي نوعين:

(1) كولاجين عادي

وده صعب في الهضم لأنه بروتين معقد ضخم

(2) كولاجين هيدرولايزد

 )Hydrolyzed Collagen)

أو كولاجين بيبتايد

 (Collagen Peptides)

✅ ده كولاجين متكسر ومتقطع لببتايدات صغيرة

✅ سهل الامتصاص

✅ يوصل للدم مباشرة

✅ مش محتاج إنزيمات ولا حمض معدة

ـ وده أفضل نوع مكمل ممكن تاخده

ـ لوعندك مشاكل في الهضم او ضعف حمض معدة أو نقص إنزيمات فالكولاجين العادي هيروح منك على الفاضي

ـ علشان كده دايمًا الأفضل:

كولاجين بيبتايد

ـ  ماذا يحتاج جسمك لكي يستفيد من الكولاجين؟

ـ  الكولاجين مش بمجرد انك تاخده فلازم جسمك يكون مؤهل إنه يهضمه ويمتصه ويكوّنه بشكل سليم.

ـ وده محتاج 4 عناصر أساسية:-

(1) حمض معدة قوي

ـ الكولاجين بروتين ضخم فمحتاج حمض معدة قوي علشان يبدأ يهضمه ويفكك أحماضه الأمينية فلو عندك حمض معدة ضعيف (حموضة قليلة) فالكولاجين هيعدي على جسمك من غير استفادة.

 فيتامين سي (2)

ـ هو المفتاح الذهبي لإنزيمات تصنيع الكولاجين فمن غيره جسمك مش هيعرف يكوّن سلاسل الكولاجين

ـ علشان كده أي مكمل كولاجين محترم تلاقي فيه دايمًا فيتامين سي وده سبب إن فيتامين سي  بيحسن البشرة والجلد لأنه بيرفع الكولاجين

 النحاس(3)

ـ عنصر أساسي في سلسلة تصنيع البروتينات وتحويلها لكولاجين

ـ بدون نحاس فالروابط اللي بتربط بين ألياف الكولاجين مش هتتكون كويس وده هيخلي الكولاجين ضعيف أو مش ثابت في الجسم

 فيتامين ألف(4)

ـ ليه دور كبير جدًا في تحفيز خلايا الجلد والمناعة و بيساعد في تصنيع الكولاجين

ـ علشان كده لما الناس بتاخد فيتامين الف تلاقي

• البشرة نورت
• الشعر اتحسن
• حب الشباب قل

وده لأن الكولاجين في الجسم اتنشط

ـ هل الكولاجين بيتخن؟

ـ لا… مفيش حاجة اسمها كولاجين بيتخن ولا أي فيتامين في الكون بيزود الوزن ولا برشام بينقص الوزن لوحده

ـ اللي بيتخن هو:-

• الأكل الزيادة
• مقاومة الإنسولين
• السكريات
• قلة الحركة

ـ الكولاجين مجرد بروتين

• مابيخزنش دهون
• وما بيرفعش سكر الدم
• فمافيش أي علاقة له بزيادة الوزن

ـ ليه لازم تهتم بالكولاجين؟

ـ لأن الكولاجين مهم جدًا في:

• المفاصل
• البشرة
• الأمعاء
• العظام
• الشعر
• الأوعية الدموية

ـ هو اللي بيحافظ على:-

• الجلد ناعم وطري
• الشرايين مرنة
• المفاصل قوية
• الأمعاء سليمة
• الشعر تقيل وصحي

ـ أحسن نوع كولاجين:-

ـ البودر

✅ أسهل في الهضم

✅ أسرع في الامتصاص

✅ يوصل للدم بسهولة

✅ مش محتاج حمض معدة قوي

 📊دراسات وأبحاث:-

دراسة اتعملت على مجموعة سيدات بياخدوا من 3 لـ 10 جرام كولاجين يوميًا لمدة 70 يوم والنتيجة:

ـ بعد 8 أسابيع:

• تحسُّن في نضارة الجلد بنسبة 40-50%
• الجلد بقى أنعم وأرطب
• التجاعيد خفت
• مرونة البشرة اتحسنت
• علامات الشيخوخة بدأت تقل

ـ كمان إيه بيتحسن مع الكولاجين؟

✅ شفاء العضلات أسرع

✅ المفاصل بتبقى أسهل في الحركة

✅ الشعر بيطول ويتقل

✅ العظام بتقوى

✅ الجهاز الهضمي والأمعاء بيهدى

✅ حالات القولون التقرحي والقولون العصبي بتتحسن

لأن الجلايسين اللي في الكولاجين بيساعد على تهدئة الأمعاء

ـ ليه كرمشة البشرة وتقطقة الركب بتحصل؟

• الكولاجين بينقص طبيعي بعد سن العشرين
• وكل ما زاد استهلاك السكر بيعمل حاجة اسمها جلايكشن

(يعني السكر يمسك في الكولاجين ويفسده)

ـ فتظهر:-

• كرمشة
• حفر في البشرة
• خشونة ركب
• تساقط شعر
• تصلب شرايين

ـ هل فعلاً الميزوثيرابي وحقن الكولاجين بتعالج؟

ـ فعلاً الحقن الموضعية مثل:

• ميزوثيرابي
• حقن الكولاجين
• حقن البلازما

ـ بتكون فعّالة أكثر من الكريمات

لأنها بتدخل مباشرة في طبقة الجلد العميقة اسمها (الدرمس)

وهي الطبقة اللي فيها الكولاجين والأوعية الدموية

ـ بالتالي:-

• بتنشط إنتاج الكولاجين
• بتحسّن نضارة البشرة
• بتقلل التجاعيد

ـ طيب ليه النتيجة بتختفي بسرعة؟

ـ لأن كل الحاجات دي شغل من برّه وفي الآخر الجسم محتاج يبني كولاجين من جوّه

ـ فمهما عملت حقن أو كريمات

لو:-

• أكلك سيء
• بتشرب سكر
• مفيش نوم كويس
• مفيش فيتامين سي
• مفيش زنك
• مفيش بروتين جيد
• وحمض معدة ضعيف

ـ فهتلاقي إنك بتدفع فلوس عشان “ترمّم من برّه” لكن الأساس من جوّه بيقع فترجع تاني تعمل جلسات وتفضل دايرة مفرغة.

ـ الكولاجين بيبدأ يقل من إمتى؟

• طبيعي جدًا إن الكولاجين يبدأ يقل في جسمك من بعد سن 20 سنة
• وبيقل بمعدل 1% كل سنة

لحد ما يوصل إنك تفقد حوالي 30% من مخزونك الطبيعي لما توصل 40 سنة

• عشان كده دايمًا أي شخص  يبدأ يهتم بالكولاجين من بدري

سواء بالأكل أو المكملات أو العادات الصحية.

“ابني كولاجين من جوه ووقتها لما تعمل جلسة ميزو أو حقن كولاجين فالنتيجة هتثبت وتعيش معاك فالكولاجين من برة مكمل لكن من جوه أساس فلو عايز تحتفظ ببشرة نضرة وشابه فعلا فابني من جوه الاول”