“ناس كتير بتسال لو بطلوا منتجات الحليب… يجيبوا الكالسيوم منين؟!”
معلومات شاملة عن الكالسيوم
“ناس كتير بتسال لو بطلوا منتجات الحليب… يجيبوا الكالسيوم منين؟!”
ـ الاجابة :-
“متخافوش… فالكالسيوم مش محبوس جوه كباية لبن!”
ـ الكالسيوم موجود حوالينا في كل حاجه بس لازم تبص بزاوية أوسع من اللبن والجبنة.
ـ والأهم من كدة ما تعتمدش على مصدر واحد للكالسيوم أبدًا.
🧠 أولاً: هو الكالسيوم بيعمل إيه في الجسم؟
- الكالسيوم مش بس بيقوّي العضم والأسنان!
- ده مهم جدًا جدًا لعضلة القلب ولانقباضها وانتظامها.
- مسؤول عن نقل الإشارات العصبية في الجهاز العصبي.
- ضروري لانقباضات العضلات.
- بيشد جسمك وبيخليك رياضي حتى من غير رياضة.
- من الطفولة للشيخوخة فالكالسيوم لا غنى عنه.
“وطبعًا علشان الجسم يمتص الكالسيوم كويس فلازم فيتامين دال + ماغنيسيوم + فيتامين ك٢ “
ـ نبدأ بمصادر الكالسيوم “الغير تقليدية”؟
(1) البذور
(الشيا ـ الكتان ـ السمسم)
- دول تلاتة فيهم كالسيوم رائع.
- وخصوصا السمسم بالقشرة (ني أو محمص خفيف).
- القشرة فيها مواد تمنع شوية امتصاص بس فيها كالسيوم كتيير فالفائدة عالية برضو.
“معلقتين سمسم كل يوم = دعم رائع للعظام والأعصاب والقلب ”
“البوبي سيدز أو بذور الخشخاش فيها كالسيوم ممتاز لكنها ممنوعة في بلادنا وتستخدم في الدول الأوروبية “
(2) السردين والسلمون (بالعظم الصغير)
” كنز غذائي : كالسيوم + بروتين + أوميجا3 +فيتامين ايه “
ـ حتى لو فيهم شوية زئبق فالسيلينيوم اللي موجود فيهم بيطرده.
ـ كلهم مرتين في الأسبوع وهتشوف الفرق!
(3) اللوز (مقشر)
ـ من أغنى المكسرات بالكالسيوم والماغنسيوم.
ـ بيساعد على التوازن بين الاتنين اللي هو أساس الأعصاب والعظام.
(4) الواي بروتين
- بروتين رياضي مشهور بيحتوي على كالسيوم كويس.
- بس بيزود الإنسولين فلوهدفك خسسان فانتبه لده.
- مش بديل غذائي لكنه من مصادر الكالسيوم عند ناس كتير.
(5) الأوراق الخضراء (غير السبانخ!)
ـ السبانخ فيها أكسالات عالية بتمنع امتصاص الكالسيوم.
ـ الأفضل:-
(الكيل ـ الراوند ـ ورق اللفت)
“عصير كيل أو شربة ورق لفت = كالسيوم سهل الامتصاص”
(6) التين المجفف
ـ (مع الزيت أو الزيتون) فيه كالسيوم وماغنيسيوم بيساعدوا على امتصاص فيتامين دال
ـ فيتامين دال مش موجود في التين ولا الزيتون هو محتاج شمس!
(7) الطوفو (جبنة الصويا المخمرة)
(نباتي، غني بالكالسيوم، سهل الهضم)
- فيه إنزيمات هاضمة وأحماض أمينية مفيدة.
- للناس اللي عايزة كالسيوم نباتي محترم.
(8) الراوند !
ـ فيه كالسيوم، ماغنسيوم، فيتامين ك، وبيحبه الميكروبيوم (البكتيريا النافعة).
ـ بيبقي غذاء كامل مع ( ثوم، بصل، موز، شوكولاتة خام)
ـ الكالسيوم الزيادة مش قوة دي مصيبة!
ـ الكالسيوم الزائد يسبب:
- تصلب الشرايين
- حصوات الكلى
- جلطات قلبية
- التهاب مزمن
ـ جسمك مش بيستفيد منه من غير:
- فيتامين دال
- ماغنسيوم
- فيتامين ك٢
ـ الكالسيوم مهم… لكن التوازن أهم.
- خده من 7–8 مصادر متنوعة يوميًا.
- متعتمدش على اللبن فقط ولا على مكمل واحد.
ـ وافتكر دايمًا:-
“الكالسيوم مش للعظام بس… ده للحياة كلها!”
ـ دور الكالسيوم وعلاقته بالنفسية والمزاجية:-
- الكالسيوم مش بس للعظم والمناعة!
- ليه علاقة مباشرة بهرمونات المزاج والقلق والأرق.
- نقص الكالسيوم ممكن يخلي الشخص عصبي و قلقان أو حتى يدخل في نوبات هلع.
ـ وهنا نربط بينه وبين الماغنسيوم وفيتامين ب6
ـ أخطر أعراض نقص الكالسيوم :-
- تنميل في الأطراف
- تقلصات عضلية لا إرادية
- هشاشة عظام مبكرة
- مشاكل في الأسنان (تسوس، ضعف الجذور)
- تأخر نمو الأطفال
- ضعف انقباض عضلة القلب في الحالات الشديدة
ـ العلاقة بين الكالسيوم وفيتامين ك2 :-
- كتير من الناس ما تعرفش إن الكالسيوم من غير ك2 ممكن يترسب في الشرايين بدل ما يروح للعظم!
فيتامين ك2 هو اللي بياخد الكالسيوم من الدم ويوديه مكانه الصحيح
ـ الكالسيوم والمناعة
- الكالسيوم بيدخل في عملية تنشيط خلايا المناعة
- دوره في مقاومة الفيروسات والعدوى و خاصة لو اتحد مع الزنك والماغنسيوم.
ـ هل الكالسيوم بيسبب إمساك؟
ـ دي نقطة ناس كتير بتسأل عنها.
ـ الكالسيوم في بعض المكملات ممكن يبطّأ حركة القولون و خصوصًا لو كان كالسيوم كربونات.
ـ الحل:-
ـ ناخد النوع اللي هو كالسيوم سترات + ماغنسيوم + ألياف.
7) دور الرياضة في امتصاص الكالسيوم
- الناس اللي بتتحرك وبتلعب رياضة بيمتصوا الكالسيوم أفضل.
- الرياضة بتزود حساسية المستقبلات اللي بتنقل الكالسيوم للعظم.
