أهمية النحاس ومعلومات شاملة
"النحاس مش بس معدن موجود في جسمك… ده عنصر أساسي للحياة ومهم لطاقتك اليومية لصحة بشرتك ومزاجك وحتى مناعتك فالنحاس هو المفتاح الخفي وراء توازن جسمك ونشاطك"
“النحاس مش بس معدن موجود في جسمك… ده عنصر أساسي للحياة ومهم لطاقتك اليومية لصحة بشرتك ومزاجك وحتى مناعتك فالنحاس هو المفتاح الخفي وراء توازن جسمك ونشاطك”
🧠 التوازن بين الزنك والنحاس :-
ـ النسبة الطبيعية بين الزنك والنحاس في الجسم هي 8:1
ـ اي خلل في التوازن ده بيأثر على الجسم كله وبالتالي على الحالة النفسية والمزاجية والصحية.
ـ الزنك عند الرجال والنساء:-
- لما التوازن يتحقق شخصية الرجل بتتقوّى وبيبان عليه لمعان الشخصية.
- لكن بالنسبة للنساء من الضروري الحفاظ على الزنك خاصة في وجود النحاس.
ـ الضغط العصبي (الاسترس) وتأثيره:-
- الاسترس بيرفع الكورتيزول في الجسم.
- ارتفاع الكورتيزول هو احتباس الصوديوم وانخفاض في (البوتاسيوم ، المغنيسيوم ، الزنك)
ـ نقص الزنك يعني زيادة النحاس في الجسم وده بيؤدي إلى تسمم نحاس لو استمر لفترة طويلة
ـ أسباب نقص الزنك:-
1) ضعف الهضم فلما المعدة مش بتفرز حمض كافي فالزنك مش هيمتص.
2) الحبوب الكاملة والبقوليات فيها مركبات بتمسك في المعادن زي الزنك والماغنيسيوم وتمنع امتصاصهم.
3) عمليات تكميم أو قص المعدة بيتم فيها استئصال جزء من الجهاز الهضمي وبالتالي الزنك مش بيوصل للجسم بشكل كافي.
4) سوء التغذية و عدم تناول مكملات أو أطعمة غنية بالزنك زي المكسرات.
ـ ماذا يحدث عند ارتفاع النحاس؟
ـ ارتفاع النحاس مع ضعف الزنك = خلل هرموني وعصبي
ـ في حالة الإرهاق الغددي
(Adrenal Fatigue)
- الغدة الكظرية تبعت إشارة للكبد لإطلاق النحاس.
- لو الكبد أو الغدة مش شغالين كويس = النحاس بيتراكم في الدم و النتيجة هي تسمم نحاس ومشاكل مزمنة في الجسم والمزاج.
ـ الزنك والنحاس لازم يكونوا في توازن دقيق فالضغط العصبي وسوء التغذية و العمليات الجراحية كلها بتأثر على امتصاص الزنك وبتسبب تراكم النحاس فحافظ على التوازن لتحافظ على صحتك النفسية والجسدية.
ـ النحاس و الطاقة داخل الجسم!
ـ النحاس عنصر أساسي في إنتاج الطاقة؟
ـ جسمك بيحتاج النحاس في واحدة من أهم العمليات الحيوية وهي انتاج الطاقه
- فده هو البنزين أو الوقود اللي بيشغل كل خلية في جسمك.
- بيتكون جوه الميتوكوندريا (بيوت الطاقة).
علشان الجسم يصنع وينتج الطاقه دي لازم يستخدم إنزيم مهم اسمه:
🔬 سايتوكروم أوكسيديز
)Cytochrome oxidase)
ـ وده إنزيم مسؤول عن الخطوة الأخيرة في سلسلة إنتاج الطاقة بس علشان يشتغل محتاج عنصر أساسي جدًا وهو النحاس
ـ نقص النحاس = نقص طاقة
ـ لما النحاس يقل في الجسم:-
- الميتوكوندريا تضعف
ATP ويقل
ـ الإنسان يبدأ يحس بـ:
- إرهاق مزمن
- خمول
- صعوبة في التركيز
ـ فالنحاس مش بس معدن ده مفتاح دورة الطاقة فبدون وجوده جسمك مش هيقدر ينتج الطاقة بشكل كافي وده هيأثر على نشاطك و تركيزك وحتى حالتك النفسية.
🧠 النحاس والجهاز العصبي والبشرة
ـ النحاس = عنصر أساسي لأكثر من وظيفة حيوية
(1) النحاس والدوبامين
ـ النحاس بيساعد في إنتاج الدوبامين (هرمون السعادة والتركيز).
ـ وده بيأثر على:
- الحالة المزاجية
- التركيز
- النشاط العقلي
(2) النحاس والميلانين
ـ الميلانين هو الصبغة اللي بتدي اللون للشعر والجلد والعين.
ـ فالنحاس ضروري لتكوين الميلانين عن طريق إنزيم تيروزينيز
(Tyrosinase)
ـ لو النحاس موجود فالميلانين يتكون طبيعي
ـ لو النحاس ناقص فالميلانين يقل + الشعر يبيض + الجلد يفقد نضارته
(3) النحاس والتوازن الحركي
ـ الجهاز العصبي بيعتمد على وجود النحاس علشان:-
- يتم إرسال الإشارات العصبية بشكل دقيق
- تتحكم العضلات في الحركات المركبة والتوازن
- نقص النحاس = خلل في التنسيق الحركي بين العضلات
(4) النحاس وفيتامين سي
ـ فيتامين سي مش بيشتغل بكفاءة من غير وجود النحاس.
ـ النحاس بيساعد في:
- تفعيل فيتامين سي
- تقوية المناعة
- إنتاج الكولاجين لصحة العظام والبشرة
ـ نقص النحاس = ضعف مناعة + سقوط شعر + تعب + عظام ضعيفة + بشرة باهتة
ـ فالنحاس مش مجرد معدن فده حجر أساس لصحتك النفسية و الجلد و العظام والجهاز العصبي فحافظ عليه علشان تحافظ على شبابك وطاقة جسمك.
ـ أولًا: أنواع المناعة في الجسم:-
ـ الجهاز المناعي فيه نوعين رئيسيين:
(1) المناعة الخلوية
( Cellular Immunity )
- مسؤولة عن مقاومة الفيروسات
- بتعتمد بشكل أساسي على الزنك.
- لما تاخد زنك أثناء العدوى الفيروسية فالمناعة الخلوية بتشتغل بقوة فتدمر الفيروسات
(2) مناعة السوائل والمضادات الحيوية الطبيعية
(Humoral Immunity)
- مسؤولة عن مقاومة الفطريات والبكتيريا.
- محتاجة عنصر أساسي علشان تشتغل بكفاءة
ـ فمن غير نحاس فالجسم مش هيقدر يقتل البكتيريا أو الفطريات بفاعلية.
ـ مثال:-
ـ في حمامات السباحة بيستخدموا مادة اسمها
)Copper Sulfate )
(كبريتات النحاس) علشان تمنع نمو الفطريات على القدم.
ـ توازن الزنك والنحاس مهم جدًا
- زيادة النحاس + نقص الزنك = مشاكل خطيرة في الجسم والمخ
- الزنك بيعمل توازن بين ناقلين عصبيين مهمين جدًا:
🧠 الزنك والنحاس وتأثيرهم على الدماغ
(1) الزنك = يزود الجابا
ـ وهي ناقل عصبي بيهدّي وبيخلّي الشخص هادي ومسترخي.
ـ الزنك بيزود إنتاج الجابا راحة نفسية وصفاء ذهني.
(2) النحاس يزيد الجلوتاميت
ـ وهو ناقل عصبي منشط جدًا.
- زيادة النحاس هو زيادة الجلوتاميت و تحفيز زائد للمخ و قلق وتوتر.
ـ لو حصل خلل في التوازن بين الجابا والجلوتاميت بيحصل:-
- اكتئاب
- توتر دائم
- تشوش ذهني
- صداع وثِقل في الدماغ
ـ الأطفال والنحاس الزائد
- الأطفال المصابين بالتوحد بيكون عندهم نحاس مرتفع جدًا
وزنك منخفض
- الأطفال اللي بيعانوا من مشاكل في التعليم
- نوبات القلق و نوبات الهلع فغالبًا عندهم نفس الخلل وهو نحاس عالي و زنك منخفض
ـ علشان مناعتك و مزاجك و دماغك يكونوا في أفضل حالة فلازم توازن بين الزنك (للراحة العصبية والمناعة الفيروسية)
و النحاس (لقتل البكتيريا وتنشيط الجهاز العصبي لكن باعتدال)
ـ في دراسة على أكثر من 2000 شخص:-
ـ أظهرت النتائج إن نسبة كبيرة جدًا منهم بيعانوا من تسمم نحاس بسبب عدم التوازن بين النحاس والزنك في الجسم.
ـ انتقال النحاس من الأم للجنين:
- النحاس بيتراكم في الجسم (خصوصًا الكبد والمخ).
ـ فلما الأم:
- تستخدم حبوب منع الحمل
- تركب لولب نحاسي
- أو تتعرض لزيادة هرمون الإستروجين
ـ فده ممكن يزود مستوى النحاس في جسمها بشكل كبير وده ينتقل للجنين أثناء الحمل.
ـ تأثير النحاس على الجنين (خاصة الذكور):-
ـ لو زاد النحاس عن حده فالولد ممكن تظهر عليه ميول أنثوية أو اضطرابات سلوكية.
ـ والسبب لأن النحاس بيتخزن في المخ وبيأثر على النمو العصبي والسلوكي.
ـ أول خطوة:
ـ نحلل مستوى النحاس والزنك عند الطفل فغالبًا هنلاقي:
- نحاس عالي
- زنك منخفض
ـ الأطفال وصعوبات التعلم
ـ النحاس الزائد + الزنك الناقص = ضعف تركيز+ توتر+ بطء استيعاب.
ـ التوازن بينهم مهم جدًا للوظائف العقلية خاصة في:
- الإبداع
- التفكير
- حل المشكلات
- التحكم في المشاعر والسلوك
🍫 أهم مصادر النحاس الغذائية:-
- المحاريات (زي الجمبري والسبيط)
- اللوز
- السمسم
- الدارك شوكولات (الشوكولاتة الداكنة)
- الكبدة
- المشروم
- البقوليات بقشرتها
ـ لو بتاخد زنك بانتظام فلازم تاخد نحاس بنسبة متوازنة (غالبًا 1 نحاس لكل 8 زنك)
ـ النحاس والحديد والهيموجلوبين:-
ـ ممكن تلاقي نفسك عندك أعراض أنيميا
(دوخة ـ شحوب ـ ضعف عام)
ـ وتلاقي تحاليل الحديد “كويسة” ولكن الحقيقة:
ـ الحديد مش بيشتغل في الجسم بدون النحاس!
ـ النحاس ضروري لتكوين الهيموجلوبين فنقص النحاس فالحديد يتخزن لكنه مش بيتحوّل لوظائفه الفعلية فتلاحظ تعب مزمن رغم ارتفاع الحديد.
🧠 الغدة الدرقية والهرمونات:-
ـ الغدة الدرقية ممكن تبان إنها مش شغالة لكن المشكلة الحقيقية هي عدم توازن النحاس والزنك.
ـ الزنك أساسي لإنتاج هرمونات الغدة.
ـ النحاس بيوازن العملية دي لكن زيادته أو نقصه يسبب خلل في إفرازات الغدة و أعراض تشبه كسل الغدة.
ـ فالتوازن بين الزنك والنحاس مش رفاهية فده مفتاح لصحة جسمك و هرموناتك و مناعتك وحتى طريقة تفكيرك وإبداعك.
ـ طرق تقليدية وحديثة للحصول على النحاس:-
ـ بعض الناس بتحب تلبس أساور نحاس أو تشرب في أواني نحاسية.
ـ الفكرة دي مش خرافة!
” أجدادنا كانوا فاهمين إن النحاس بيتفاعل مع الجسم وبيمده بفوائد عظيمة علشان كده كانوا بيشربوا زمان في أواني نحاس “
ـ أهم وظائف النحاس في الجسم:-
(1) يساعد على امتصاص الحديد
ـ من غير نحاس فالحديد مش هينفع الجسم و أعراض أنيميا وتعب مزمن.
(2) يحفز إنتاج الكولاجين
ـ الكولاجين هو البروتين المسؤول عن:
- نضارة البشرة
- قوة المفاصل
- مرونة الجلد
ـ نقص النحاس = تجاعيد مبكرة + ترهل البشرة
(3) يقوّي الجهاز المناعي
ـ بيساعد في محاربة الفيروسات والبكتيريا
ـ وبيشتغل كـ مضاد طبيعي للأكسدة
(4) يحافظ على الحامض النووي
ـ بيمنع التكسير أو التحورات الجينية اللي ممكن تؤدي لأمراض مزمنة وسرطانات.
🧠 تأثير النحاس على الطاقة والهرمونات:-
ـ لما النحاس يكون في توازن مع الزنك:
- الطاقة تفضل مستقرة طول اليوم
- الهرمونات عند الرجال والسيدات تبقى مظبوطة
- المزاج العام يتحسن
- الجهاز العصبي يشتغل بكفاءة
ـ أعراض نقص النحاس:
- الشعر يبيض بدري
- النظر يضعف
- الوش يكرمش بسرعة
- المناعة تضعف
- الطاقة تقل
- الجهاز العصبي يضعف
- الجسم يتأثر بالطاقة السلبية بسهولة
ـ من أين نحصل على النحاس؟
- أواني النحاس (للشرب أو الطبخ زمان)
- كبدة البقر
- أساور النحاس
ـ المصادر الغذائية الغنية بالنحاس زي ما ذكرنا قبل كده (المشروم ، المحاريات ، المكسرات، الكبدة…)
“النحاس مش مجرد معدن ده عنصر حياة فمناعتك وشبابك و طاقتك ونضارة بشرتك كلهم بيعتمدوا على وجوده بكمية متوازنة”
