مقاومة الانسولين

 من أكتر المشكلات الصحية المنتشرة حاليًا وكتير من الناس ممكن يكون عندهم مقاومة إنسولين من غير ما يعرفوا وهي حالة بيبقى فيها الإنسولين موجود لكن الخلايا مش بتسمع له كويس فيفضل السكر يعلى في الدم والجسم يدخل في سلسلة من الأعراض والمضاعفات.

ـ مبدئيًا إحنا دلوقتي بناكل سكريات و كل يوم ناكل حاجة مسكرة ونشويات و عيش وارز وبطاطس و عصير وحلويات فكل الحاجات دي بتدخل الجسم.

ـ فالجسم يطلع هرمون الإنسولين من البنكرياس والإنسولين ده زي البواب بييجي ويمسك السكر اللي في الدم وياخده ويدخله جوه الخلايا علشان الخلية تستخدمه في إنتاج طاقة.

ـ فكل مرة ناكل فيها الإنسولين يطلع ويدخل الجلوكوز جوه الخلية وخلاص.

لكن المشكلة إيه بقى؟

ـ لما نفضل ناكل سكريات كتير…

• الخلايا تتعب وبعدها الإنسولين ييجي يفتح الباب كل شوية ويدخل السكر وكل شوية الخلية تتعب “

ـ في الحالة الطبيعية:

• بناكل حاجة فيها سكريات.
• الإنسولين يطلع.
• يدخل السكر جوه الخلايا.
• الخلايا تبعت رسالة:

“شكراً… الإنسولين وقف… خلاص إحنا مش عايزين سكر.”

ـ لكن لما الخلايا تتعب بسبب كثرة الأكل وقلة الحركة والضغط النفسي…

• يبدأ يحصل حاجة اسمها مقاومة إنسولين.

ـ يعني إيه مقاومة إنسولين؟

يعني الإنسولين موجود والباب مقفول والخلية مش راضية تفتح فالسكر يفضل عالي في الدم والجسم يفتكر إن في نقص إنسولين فيقوم البنكرياس يفرز كمان شوية إنسولين.

ـ فيبقى السكر عالي والإنسولين عالي وده أخطر وضع.

ـ طيب المشكلة دي بتهم مين؟

الناس اللي بتعاني من السكر؟

لأ بتهم الكل.

ـ ليه؟

ـ  لأن مقاومة الإنسولين بتسبب مشاكل صحية فظيعة.

ـ  الأمراض اللي بتسببها مقاومة الإنسولين:

1)  تصلب الشرايين  بسبب ارتفاع السكر والإنسولين المستمر.

2) أمراض القلب لأن ارتفاع الإنسولين بيخلّي الدهون تتخزن في الشرايين.

3)  تكيّس المبيض الإنسولين لما يعلى بيبوّظ الهرمونات.

4)  السمنة وخصوصًا دهون البطن والوسط تحديدًا.

5) الفشل الكلوي ارتفاع السكر والإنسولين يجهد الكلى.

6)  الزهايمر حتى بيسموه سكر النوع التالت.

7)  ارتفاع ضغط الدم الإنسولين بيحبس صوديوم وميه فيرفع الضغط.

ـ  إزاي نحل مشكلة مقاومة الإنسولين؟

ـ لو عايز تحل:

• مشكلة السكر.
• مشكلة الضغط.
• تكيّس المبيض.
• مشاكل القلب.
• مشاكل الدهون.

ـ لازم تعمل إيه؟

ـ  تعالج أصل المرض… الجذر مش الفروع.

( الجذر هو مقاومة الإنسولين والفروع دي باقي الأمراض )

ـ  خطوات تقليل مقاومة الإنسولين:-

• نقلل الإنسولين.

ـ إزاي؟

(1)  نمنع السكريات ونمنع النشويات (بطاطس ـ بطاطا ـ بقوليات ـ  ارز ـ مكرونة)

(2)  الأكل المسموح:

كل أنواع الخضار والفراولة والتوت.

(3) تقليل هرمون الكورتيزول لأنه العدو الأول للإنسولين.

ـ لما الكورتيزول يعلى فالإنسولين بيتلغبط.

(4) نوم كويس.

ـ النوم 8 ساعات في اوضة مظلمة ده بيزوّد هرمون الميلاتونين.

ـ الميلاتونين بيرجّع حساسية الإنسولين.

(5) ممارسة الرياضة.

ـ الرياضة بتعمل عضلات والعضلة فيها أماكن (مستقبلات) بيشتغل عليها الإنسولين.

ـ يعني بدل ما في خلية عليها 2 أو 3 مستقبلات فلما العضلة تكبر المستقبلات تزيد فبالتالي مقاومة الإنسولين تقل.

(6) خسارة الوزن.

ـ لأن وجود دهون حوالين الكبد والعضلات يمنع دخول السكر.

ـ طول ما فيه دهون في الجسم:

ـ أي سكر بتاكله فالجسم مش هيحرق الدهون.

ـ ليه؟

لأنه قدامه سكر كتير جاي.

ـ الحل:

• امنع السكر والنشويات خالص فالجسم يبدأ يحرق من دهونك. لحد ما الدهون تقل وساعتها الجسم يقدر ياخد كربوهيدرات تاني.

(7) نظام التغذية:

• النشويات: وقود.
• الدهون: وقود وبتكوّن هرمونات.
• البروتين: يبني الجسم.

ـ فإنت تقفل النشويات مؤقتًا

لحد ما تنزل دهون جسمك.

وبعدها تبدأ تدخل كربوهيدرات تاني.

ـ لو ما قللتش مقاومة الإنسولين فمش هتعرف تخس.

ـ تكيّس المبيض مش هيتظبط.

ـ هتفضل الدهون حوالين بطنك.

ـ السكر هيزيد والمشاكل الصحية هتتراكم.

“مقاومة الانسولين هي الجذر وكل الأمراض الباقيه فروع ومش هيتظيطوا إلا لما تتخلص من الجذر”

ـ من ضمن التجارب المهمة اللي اتعملت على مقاومة الإنسولين كانوا بيشوفوا تأثير الأكل على ارتفاع سكر الدم.

ـ عملوا تجربة:-

• الناس أكلت خبز لوحده.
• بعدين نفس الناس شربت ماء وليمون قبل الخبز.

ـ  إيه اللي حصل؟

ـ لما شربوا مية بليمون قبل الخبز:

• سكر الدم ارتفع بنسبة أقل بنسبة 30% عن الطبيعي.
• يعني لو السكر كان هيوصل لـ 90… وصل 60 بس.
• كمان الوقت اللي بياخده سكر الدم عشان يوصل لأعلى قيمة قل ومن 35 دقيقة نزل عن كده.

ـ ليه؟

(Salivary Amylase)

ـ ده ماده بتفرز من حمض الليمون

ـ وده إنزيم بيبدأ هضم النشويات من الفم.

ـ فلما تشرب ماء وليمون قبل الأكل:

• تبطئ هضم النشويات.
• وتقلل من سرعة امتصاص السكر في الدم.

ـ ترتيب الأكل مهم جدًا:-

ـ في تجربة تانية:-

ـ مجموعة أكلت خبز وعصير الأول وبعدين أكلت فراخ.

ـ والمجموعة التانية أكلت فراخ الأول وبعدين أكلت خبز وعصير.

النتيجة ؟

• الناس اللي أكلت البروتين (الفراخ) الأول سكر الدم عندهم ارتفع بنسبة أقل 16% مقارنة باللي أكلوا النشويات الأول.

ـ السبب العلمي:-

ـ لما تاكل بروتين الأول:

 )Glucagon-like peptide)

ـ ده الهرمون اللي الجسم بيفرزه

ـ الهرمون ده بيقول للجهاز الهضمي:

“هدى شوية… عندي بروتين عايز أهضمه الأول.”

• فالجهاز الهضمي يهدى.
• ويمتص النشويات بعد كده ببطء.
• فيدخل السكر في الدم واحدة واحدة.
• والإنسولين ما يضطرش يعلى جامد.

ـ فلو مرة هتاكل نشويات أو حلويات أو جانك فود

• ابدأ بالبروتين الأول.
• بعدين كل النشويات.
• هتقلل من ارتفاع السكر بنسبة 16% على الأقل.

ـ  الأعراض اللي بتحصل مع مقاومة الإنسولين:-

• جوع مستمر.
• إرهاق.
• دهون حوالين البطن.
• نرفزة.
• دوخة بعد الأكل.
• صعوبة في النزول في الوزن.

ـ معلومة عن التحاليل:-

ـ إزاي تعرف إن عندك مقاومة إنسولين:-

• تحليل إنسولين صايم.

 HOMA-IR•

• تحليل سكر تراكمي.

ـ  أنواع الأكل اللي يحسّن مقاومة الإنسولين:

• بروكلي
• أفوكادو
• سمك السلمون
• زيت الزيتون
• مكسرات نيّة
• خل تفاح

ـ علاقة مقاومة الإنسولين بالضغط العالي واحتباس المية لما الإنسولين يعلى بيحبس صوديوم وميه فبيرفع الضغط

ـ  ليه الناس اللي عندهم سكر بيخسّوا قبل ما يتشخصوا؟

ـ مش المفروض السكر العالي يخلّيهم يتخنوا؟

ـ السؤال ده عبقري وعلشان نفهمه لازم نفهم جسم الإنسان شغال إزاي…

ـ  في الطبيعي:

ـ الجسم بيأكل السكر يعلى فالبنكرياس يفرز إنسولين والإنسولين يفتح الخلايا يدخل السكر جواها والخلايا تحرقه أو تخزنه في الدهون لو في زيادة.

ـ في مرضى السكر قبل التشخيص:-

• النوع الأول: البنكرياس مفيش إنسولين أصلًا.
• النوع التاني: في إنسولين لكن الخلايا مش حاسة بيه (المقاومة عالية) أو الإنسولين ضعيف ومالوش تأثير.

ـ يعني ببساطة الدم مليان سكر… إنما الخلايا جعانة!

ـ فاللي يحصل:

• الجسم عايز طاقة مفيش سكر داخل الخلايا فيضطر يكسر الدهون والعضلات علشان ياخد طاقة وده اللي بيخلي المريض يخس جامد قبل التشخيص.
• مع إن السكر في الدم عالي قوي فالمفروض يتخن لكنه مش داخل الخلايا والإنسولين مش قادر يفتحلها.
• الدم مليان سكر
• الخلايا مقفولة
• الجسم يكسر عضل ودهون

ـ دي ببساطة أزمة السكر مش مشكلة سكر عالي دي مشكلة إن الإنسولين مش قادر يدخله جوا الخلايا وعلشان كده بنقول:

ـ مريض السكر قبل التشخيص ممكن يخس قوي والمشكلة الحقيقية مش في الدم المشكلة في الخلايا.