تكيّس المبايض؟
اضطراب هرموني شائع بيحصل لما :
- المبيضين بيكونوا عددكبير من البويضات الصغيرة ( أكياس ) مش بتنضج أو بتخرج بشكل طبيعي
- وبيبقي فيه خلل ف الهرمونات , خاصة زيادة في هرمون الذكورة ” الأندروجين ” .
و أوقات بيحصل بسبب زيادة الوزن فيبدأ هرمون الإنسولين يرتفع في الجسم وده يسبب مقاومة في الجسم.
ـ آلية عمل الدورة الشهرية الطبيعية:-
ـ في الوضع الطبيعي أثناء الدورة الشهرية:
- المخ بيبعث إشارات للمبيض علشان يحضّر بويضة.
- النصف الأول من الدورة (المبيض) يجهّز البويضة.
- النصف الثاني من الدورة (المخ) يبعث إشارة تانية للمبيض علشان “يفرقع” الكيس اللي فيه البويضة ويطلّعها لقناة فالوب علشان تقابل الحيوان المنوي ويتم التلقيح.
ـ إيه اللي بيحصل في حالة تكيّس المبايض؟
ـ في حالة التكيّس:
- المخ يبعث إشارات غير منضبطة.
- فيقوم المبيض بتكبير الحويصلة اللي فيها البويضة لكن ما تطلعش.
- كل شهر الحويصلة تكبر والبويضة تفضل جوة الكيس.
- الشهر اللي بعده نفس الموضوع يتكرر لحد ما يتكون عندك كذا حويصلة (كيس صغير) جوه المبيض علشان كده اسمه تكيّس المبيض.
ـ تأثير تكيّس المبايض:-
- نسبة الحمل تقلّ جدًا حوالي 10% فقط لأن مفيش بويضات بتطلع.
- نسبة العقم توصل لـ 90%.
- البويضات تموت جوه الكيس.
- الهرمونات اللي بتتأثر:
ـ فيه هرمون بيزيد في الجسم وده اللي بيمنع الحويصلة إنها تفرقع.
ـ هرمون الذكورة (التستوستيرون) كمان بيزيد:
- الصوت يبقى تخين شوية.
- شعر يظهر في الوش والجسم.
- الرغبة الجنسية تتغير.
- الشعر في الرأس يبدأ يخفّ.
ـ مكونات المرض ( 3 أجزاء):-
(1) مقاومة الإنسولين:
- بتخلي الجسم يزيد في الوزن.
- ترفع نسبة الدهون.
- ترفع احتمال الإصابة بمرض السكر4 أضعاف.
- ترفع احتمالية الاكتئاب 4 أو 5 أضعاف.
(2) لخبطة الهرمونات:
- مفيش بويضات بتطلع.
- يحصل خلل في الدورة الشهرية.
- تقل فرصة الحمل.
ارتفاع هرمون الذكورة:(3)
- يسبب ظهور شعر في أماكن غير مرغوب فيها.
- يجعل الصوت أخشن.
- يسبب خفة شعر الرأس.
ـ حل مشكلة تكيّس المبايض :-
ـ الحل في 3 خطوات رئيسية:
(1) معالجة الجذر الأساسي (مقاومة الإنسولين) :
ـ المشكلة الأساسية في تكيّس المبايض هي مقاومة الإنسولين علشان كده الحل يبدأ من هنا:
- لو خسيتي.
- لو بطّلتي نشويات.
- لو مشيتي على نظام كيتوجينك.
- لو عملتي رياضة.
- لو نمتي كويس.
ـ كل ده هيصلّح الإنسولين وأول ما الجذر يتصلح الأغصان (المشاكل التانية) هتقع لوحدها.
(2) تنظيم الهرمونات:
ـ ممكن تاخدي حبوب تنظيم الدورة ودي مهمة لأنها:
- تقلل هرمون الذكورة.
- تخلي النص الأول من الدورة الشهرية مضبوط.
- تساعد إن البويضة تفرقع في النص التاني.
(3) السيطرة على هرمون الذكورة :
ـ مش هناخد له علاج مباشر.
- لأن ارتفاع هرمون الذكورة سببه الأساسي هو مقاومة الإنسولين.
- والإنسولين العالي بيقلل الإستروجين ويزود هرمون الذكورة.
- فلما الإنسولين يتظبط هرمون الذكورة هيتظبط لوحده.
ـ أدوية مقاومة الإنسولين:-
ـ من أمثلة الادوية الفعالة ف علاج تكس المبايض مع مقاومة الأنسولين فيه دواء مهم اسمه (جلوكوفاج)
ـ بيستخدموه:
- مرضى السكر النوع الثاني.
- مرضى تكيّس المبايض.
- وناس عايزة تخس.
ـ الجرعة:-
لازم تحت إشراف طبيبا
- 500 مجم 3 مرات في اليوم.
أو 850 مجم مرتين في اليوم.
ـ بيعمل إيه الجلوكوفاج؟
1) مش علاج لتكيّس المبايض بشكل مباشر لكن هو بيعالج مقاومة الإنسولين.
2) بيقوّي الإنسولين الموجود ويخليه يشتغل بكفاءة.
3) بيقلل السكر في الدم.
4) بيخلي الخلايا تحرق السكر اللي فيها والدهون من برّه.
5) وعلشان كده بيدّوه للناس اللي بتعمل دايت.
ـ بس خلى بالك:
ـ مخاطرة :-
- لو عندك مشاكل في الكبد: ممنوع.
- لو عندك مشاكل في الكلى: ممنوع.
- لازم توقف الجلوكوفاج لما التحليل التراكمي بتاعك يوصل: (5.8)
ـ لما توصل للرقم ده وقف الدواء وخليك على أكل نظيف من غير جلوكوفاج
ـ أساس كل مشاكل الجسم من لخبطة الهرمونات وتكيّس المبايض ودهون البطن هو الإنسولين العالي.
ـ فالحل الحقيقي :-
- تخسي.
- تبطّلي سكريات ونشويات.
- تنامي كويس.
- تمشي على نظام كيتوجينك لفترة.
- وبعد كده تاكلي أكل نظيف.
ـ النظام الهرموني في الجسم
ـ ازاي النظام الهرموني بيشتغل؟
ـ النظام الهرموني في جسم الإنسان شغال بطريقة منظمة جدًا:
- الغدة بتطلع هرمون.
- الهرمون بيروح للعضو المستهدف.
- العضو يعمل الأكشن المطلوب.
- بعد ما يحصل الأكشن العضو يبعت رسالة للغدة:
“شكراً الأكشن حصل ومش محتاجين تاني.”
وده بيحصل في:
- الغدة الدرقية.
- المخ.
- الكورتيزول.
- وكل حاجة في جسمك.
ـ إيه اللي بيحصل مع الإنسولين؟
ـ في الطبيعي:
- الإنسولين بيطلع.
- يدخل للخلية.
- الخلية تسمح بدخول السكر.
- السكر يتحول لطاقة.
- الخلية تبعت: “شكراً السكر دخل.”
ـ لكن لو فيه مقاومة إنسولين:
- الإنسولين يوصل للخلية والخلية ما تستجيبش.
الخلية تسأل:
“الإنسولين مجاش!”
- الجسم يطلع كمان إنسولين.
- والخلية برضه ما تستجيبش.
- يا الخلية تموت.
- يا الخلية تتعب جدًا.
- البنكرياس يجهد ويتعب.
- ومستوى الإنسولين يعلى في الدم.
ـ العلاقة بين تكيّس المبايض والخبز (القمح):-
ـ في علاقة وثيقة جدًا بين:
- الخبز
- الأملاح
- الجلوتين
- وتكيّس المبيض عند البنات.
ـ ليه؟
ـ لأن فيه مادة اسمها (أميلوبيكتم)
ـ المادة دي بتبوّظ حساسية الإنسولين.
فيحصل مقاومة إنسولين والسكر لما يعلى في الدم:
- الكبد يخزن دهون.
- يحصل كبد دهني.
- والدهون دي تلخبط هرمونات المبيض.
- فيبدأ يحصل تكيّس مبايض.
- كمان لما الدهون تزيد حوالين الجسم الدهون تطلع إستروجين.
ـ الاستروجين الزيادة:-
في الرجالة:
ـ يكبّر الصدر.
في البنات:
Polycystic Ovary.
ـ قصة نوفاك ديوكوفيتش والجلوتين:-
ـ لو مش مصدق إن الجلوتين مؤذي:
ـ لاعب التنس المشهور نوفاك ديوكوفيتش كان دايمًا:
- تعبان.
- عضلاته ضعيفة.
- يتمرن جامد جدًا.
- لكن جسمه ما يستجيبش.
- لحد ما مدربه قال له: “بطّل جلوتين.”
ـ ومن وقتها:
- جسمه اتظبط.
- أداؤه اختلف تمامًا.
- عمل علامة تجارية كاملة للأكل خالي من الجلوتين.
ـ وده نجم عالمي ومثال حي قدامنا.
ـ العلاقة بين بروتين القمح وهورمون اللبن (البرولاكتين)
ـ فيه علاقة وثيقة جدًا بين بروتين القمح وارتفاع هرمون اللبن فلو عندك هرمون لبن عالي:
ـ بطّل القمح وراقب جسمك لمدة 3 شهور هتلاقي:
- هرمون اللبن اتحسن.
- والهرمونات بدأت تتظبط.
ـ مضاعفات تكيّس المبايض على المدى الطويل:-
ـ ليه؟
ـ لازم البنت تبقى فاهمة إنها لو سابت نفسها من غير علاج أو تنظيم أسلوب حياة ممكن يحصل:
- احتمالية الإصابة بـالسكر النوع الثاني.
- دهون الكبد.
- ارتفاع ضغط الدم.
- مشاكل في القلب.
- تأخر الحمل المزمن.
- تأثير نفسي: (اكتئاب ـ قلق ـ مشاكل ثقة بالنفس)
ـ نصايح العناية بالبشرة والشعر مع التكيّس:-
ـ ليه؟
لأن مع ارتفاع هرمون الذكورة:
- الشعر بيخف.
- يظهر شعر في أماكن غير مرغوبة.
- البشرة تبقى دهنية.
- ممكن حبوب شباب تظهر.
ـ ففية شوية نصايح بسيطة:
- استخدام شامبو ضد تساقط الشعر.
- المداومة على ماسكات طبيعية أو علاجية للبشرة.
- شرب مياه كتير.
- تقليل سكريات ولبن وجلوتين وعيش عامة لأنهم بيزودوا الحبوب.
